Hörmətli həmvətənlərimiz!

Bu ilin 12 iyul tarixindən etibarən Azərbaycan və Ermənistan sərhədinin Tovuz rayonu istiqamətində Ermənistan silahlı qüvvələrinin başlatdığı hərbi təxribatla bağlı xarici ölkələrdəki azərbaycanlı icmanın üzvləri tərəfindən keçirilən aksiyalar zamanı dinc nümayişçilərə qarşı radikal erməni qüvvələri tərəfindən son dərəcə aqressiv təxribatçı əməllərin həyata keçirildiyini müşahidə edirik. Bu erməni təxribatları özündə vandalizm və terror elementlərini ehtiva edir, bilərəkdən azərbaycanlı icmaların üzvlərinə xəsarət yetirmək məqsədini güdməklə cinayət məsuliyyəti doğuran əməllər kimi səciyyələndirilir. Bu səbəbdən, mövcud ölkədə həmvətənlərimizə qarşı bu qəbildən hər hansı təxribat və ya təhlükə müşahidə edildiyi təqdirdə dərhal Baş Konsulluğun aşağıda qeyd edilən əlaqə nömrəsinə müraciət etməyiniz xahiş olunur.